ЕУ ги осуди инцидентите поврзани со предизборната кампања во Македонија

14/05/2008

СКОПЈЕ, Македонијa -- Словенија, актуелен претседавач на ЕУ, во вторникот (13-ти мај) ги осуди неколкуте инциденти што го нарушија официјалниот почеток на предизборната кампања во Македонија, вклучително и обидот за атентат врз водачот на Демократската унија за интеграција, Али Ахмети, во неделата. „Нема место за насилство во предизборната кампања“, се вели во изјавата на словенечкото претседателство, и се повикуваат сите партии да се посветат на слободни, фер и мирни избори. Истовремено, Словенија апелираше до македонските власти за истрага на инцидентите и казнување на одговорните. Американската амбасада во Македонија, исто така, изрази сериозна загриженост за инцидентите. (Mакфакс, МИА, А1 - 13/05/08)