Maкедонија сака посилна реакција во врска со проблемот со МАТ со Грција

06/05/2008

СКОПЈЕ, Македонијa -- Владата очекува посилна реакција од Европската комисија (ЕК), Меѓународната организација за цивилна авијација и другите компетентни структури кои се информирани за забраната од страна на Грција на македонскиот авиопревозник МАТ, соопшти во понеделникот (5-ти мај) владиниот портпарол Ивица Боцевски. Тој изрази надеж дека Грција ќе се откаже од својата политика за ова прашање и рече дека истата не придонесува за добрососедските односи.

„Македонија отсекогаш била добар сосед и активен и конструктивен член на меѓународната заедница. Очекуваме да сме третирани на ист начин токму од оние земји кои му припаѓаат на семејството со западни вредности на слободата, демократијата и слободната пазарна економија“, рече Боцевски. ЕК изрази загриженост во врска со оваа политика, велејќи дека истата е спротивна на договорите помеѓу земјите на ЕУ и западнобалканските земји. (Време, Утрински весник - 06/05/08; MИА, Нетпрес - 05/05/08)