Европската комисија ќе й помогне на Албанија да ги спроведе реформите

06/05/2008

БРИСЕЛ, Белгија -- ЕУ во понеделникот (5-ти мај) й даде целосна поддршка на Албанија за спроведување на реформите со цел интеграција на земјата во Унијата. Претседателот на Европската комисија, Жозе Мануел Баросо, му рече на албанскиот претседател Сали Бериша во Брисел дека мора да стори повеќе ако неговата земја сака да започне преговори за пристап во ЕУ. „Го уверив [Беришa] за помошта на Европската комисија во финансиска смисла и во другите области“, рече Баросо, додавајќи дека е премногу рано да се одреди датумот за преговорите за пристап на Албанија. (Панорама - 06/05/08; КЛАН, Балканвеб, Топченал, АП - 05/05/08)