Турски авиони гаѓаа позиции на ПКК во северен Ирак

24/04/2008

AНКАРА, Турција -- Воени авиони започнаа нови воздушни напади врз камповите на терористичката Курдистанска работничка партија (ПКК) во северен Ирак во средата (23-ти април). Генералштабот потврди на својата веб-страница дека нападот бил насочен против големиот камп на ПКК во Какурк, каде што се спојуваат границите на Ирак, Турција и Иран. Тој додаде дека воените авиони ја „неутрализирале“ вооружената група, но не даде информации за евентуалните жртви. Турските бомбардери последниот пат гаѓаа цели во северен Ирак пред една недела.

Новинската агенција Анадолу, во меѓувреме, објави дека полицијата уапсила осомничен бомбаш-самоубиец во градот Тарсус. Полицијата вели дека таа носела експлозиви и детонатор. Нејзината наводна цел била една локална полициска станица. (Хуријет - 24/04/08; НТВ, АП, РИА Новости - 23/04/08)