Ѓукановиќ вети дека ќе се бори против корупцијата

12/12/2012

Многу се очекува од Мило Ѓукановиќ во неговиот седми мандат како премиер.

Недељко Рудовиќ за Southeast European Times во Сараево – 12.12.12

Mило Ѓукановиќ рече дека неговата влада ќе се фокусира на борбата против корупцијата и организираниот криминал. [AФП]

Мило Ѓукановиќ рече дека неговото враќање на позицијата премиер по двегодишното отсуство ќе ја унапреди евроатланската интеграција на Црна Гора и борбата против корупцијата и организираниот криминал.

Ѓукановиќ беше на власт од 1991 година и сега го служи својот седми мандат на премиерската функција, при што беше и претседател на државата.

Во новата влада има четворица вицепремиери и 14 министри, од кои шестмина се нови.

„Од вас се очекува многу, да го зајакнете владеењето на правото во Црна Гора, да се борите против корупцијата и организираниот криминал, да го охрабрите одржливиот развој и да ги консолидирате јавните финансии“, рече Ангела Меркел, канцеларка на Германија, во својата телеграма со честитки до Ѓукановиќ.

Но, Далиборка Уљаревиќ, извршна директорка на Центарот за граѓанска едукација во Подгорица, рече дека ситуацијата покажува целосна доминација на личните и партиските интереси на Ѓукановиќ над оние на јавноста.

„Ситуацијата може да се нарече политичка декаденција. Одбраниот тим кој го опкружува во владата недвосмислено посочува дека партиската припадност и лојалноста кон Ѓукановиќ биле клучни за овој избор“, рече Уљаревиќ за SETimes.

„Артикулирајќи ги тие интереси, Ѓукановиќ сфати дека неговата посветеност на политиката на евроатланска интеграција е клучна за продолжување на неговиот политички живот“, рече Уљаревиќ. Радован Асановиќ, претставник на опозицискиот Демократски фронт, рече дека владата на Ѓукановиќ не нуди ништо ново, туку само реторика.

„Оваа влада не е за народот, туку е од пред 20 години и не ги задоволува условите на ЕУ“, рече тој за SETimes.

Ситуацијата резултира со многу заслабнат старо-нов премиер, според аналитичарите.

„Можеби е ова последен знак на дофатот на Ѓукановиќ бидејќи ова е враќање од слабост, а не од сила“, рече Уљаревиќ.

Но, според Момчило Радуловиќ, генерален секретар на Европското движење во Црна Гора, Ѓукановиќ се вратил бидејќи бил главниот говорник за време на изборите и создал значителни очекувања во јавноста.

„Ако Ѓукановиќ не ја заземеше премиерската функција, тоа ќе се сфатеше како неодговорност и недостиг на храброст за справување со големите проблеми, како и економската криза. Таквата ситуација ќе водеше до драстични последици по рејтингот на владејачката Демократска партија на социјалистите“, рече Радуловиќ заSETimes.

Што се однесува до борбата против корупцијата и организираниот криминал, Црна Гора има конкретни обврски што мора да ги исполни во процесот на интеграција во ЕУ. Но, Ѓукановиќ беше предмет на неколку истраги за корупција и италијанските власти го сметаат Ѓукановиќ за осомничен во профитабилната балканска мрежа на шверц со цигари во 1990-тите.

Радуловиќ рече дека вмешаноста на Ѓукановиќ во криминални активности не е докажана во ниеден суд.

„Ако пред јавноста и судот биде претставен доказ [за неговата вина], бидете уверени дека очекувањата на меѓународната и домашната јавност ќе бидат поразлични“, рече тој.

Гласаj

 

 

• Испратете на пријател по електронска пошта
• печатена верзија
• 

Пораката е испратена.

Ве молиме, напишете име.

Ве молиме, напишете ја Вашата адреса за електронска пошта.

Имејл адресата што ја внесовте не е точна.

Ве молиме, напишете коментар.

* СИТЕ ПОЛИЊА СЕ ЗАДОЛЖИТЕЛНИ

Адресата на електронската пошта на пријателот *

Вашето име или адреса за електронска пошта *

коментар *

Бројките не одговараат. Ве молиме внесете повторно.

внесете бројки *