Охрид: бисерот на Македонија

15/07/2009

Охрид нуди религија, историја, култура и ден на плажа.

Од Горан Трајков за Southeast European Times во Скопје – 15/07/09 Фотографии на Томислав Георгиев

Високата Самоилова тврдина е нешто што мора да се види во Охрид.

Вгнезден на брегот од древното езерото и опколен со планини, Охрид е уникатно место за одмор.

Историчарот на уметност сер Херберт Рид, го нарече Охрид „мост на европската уметност“ помеѓу Византија и Ренесансата.

Многубројните посетители ги разгледуваат дваесеттината средновековни охридски цркви, восхитувајќи се на ремек-делата на архитектурата и фрескоживописот. Римскиот император Јустинијан ја воспоставил Охридската архиепископија или Justiniana Prima, со која Охрид станал настар духовен и книжевен центар.

Историските цркви -- Св. Јован Канео, Св. Софија и Св. Пантелејмон -- дефитивно вреди да се посетат за да се ѕирне во историјата и убавината.

Самоиловата тврдина, со своите импозантни ѕидови, е нешто што мора да се види. Многу охридски културни знаменитости се наоѓаат веднаш под тврдината. Античкиот амфитеатар е местото каде што секоја година се одржува фестивалот на театарот и музиката Охридско лето, и други настани.

Историските охридски цркви се нешто што вреди да се види.

Близу до центарот на градот се наоѓаат статуите на светците-заштитници на градот, Св. Климент и Св. Наум, кој е закопан во црква што го носи неговото име.

Но, можеби најпозната знаменитост е трикатната Куќа на Робеви, која претставува најдобар пример за македонската архитектура од 19-тиот век. Денес куќата е музеј, во кој се изложени македонски артефакти.

Благата континентална клима на регионот -- помеѓу 25 и 30 целзиусови степени -- привлекува посетители на охридските плажи. Плажите Градиште и Љубаништа се надвор од градот, но близу до градот се Метропол и Гранит.

Многу посетители избираат да се возат со брод по Охридското Езеро, кое е познато по својата вкусна пастрмка. Некои го истражуваат езерото барајќи слатководни бисери.

Големиот број ресторани нудат локални и меѓународни кулинарски специјалитети, од полнети лозови лисја до полупечени меса.

Охрид нуди и ноќен живот. Вечерта може да се започне во градските кафулиња или на Старата чаршија, а може да се заврши во некој од бројните клубови и дискотеки.

Секој ден има летови од Скопје -- и другите балкански главни градови -- до охридскиот аеродром Св. Павле, но многумина се одлучуваат за поживописно патување со автомобил или автобус.