Aлбанија ќе го укине задолжителниот воен рок до 2010 година
21/08/2008
Албанската влада комплетно ја реформира својата војска, со цел нејзина професионализација и исполнување на условите за членство во НАТО.
Од Јонилда Коци за Southeast European Times во Тирана – 21/08/08
 Воениот рок веќе нема да биде задолжителен во Албанија. [Getty Images] |
Почнувајќи од 1-ви јануари 2010 година, Албанија повеќе нема да има задолжителна воена служба. Иницијативата за ова е дел од реформите што ги бара НАТО, чиј дел земјата се надева да стане по исполнувањето на условите на Алијансата.
Парламентот усвои закон минатата недела за отпочнување на реформата. Законот влегува во рамките на програмата што ја отпочнаа албанските вооружени сили -- со помош на американското Министерство за одбрана -- за технолошка надградба и целосна професионализација на војската до 2010 година. „Нашата цел е [да создадеме] војска со професионалци“, рече премиерот Сали Бериша по усвојувањето на законот на 13-ти август.
„Создавањето професионална армија ќе понуди можност за вработување на млади луѓе ... во албанските вооружени сили“, рече министерот за одбрана, Газменд Окета.
Влатата сé уште прави проценка за платите на војниците според новиот закон, но ќе продолжи и со други иницијативи, како што е пристапот до станови и други бенефиции. Окета рече дека во следните месеци војската ќе отвори неколку регрутни центри каде што ќе можат да се запишат матуранти.
Реформата ќе вклучи и бенефиции за младите луѓе кои сакаат да градат воена кариера. Со воведувањето на професионалниот систем, воената академија во Тирана Скендербе ќе додаде уште неколку оддели.
Воената служба беше задолжителна од 1945 година, но нејзиното времетраење се менуваше со текот на времето. На почетокот воениот рок беше четири години. Во 1954 година тој падна на три години. Во 1972 година тој стана 27 месеци, а во 1992 - 18 маесеци. Во 1996 година се намали на сегашните 12 месеци.
Во јануари владата ги објави плановите за намалување на своите вооружени сили за 3 отсто до 2013 година. Планерите предвидуваат 14.500 професионални војници до 2010 година.
Испратете на пријател по електронска пошта
печатена верзија 
Репортажа
Тековните напори на политичките партии и невладините организации помагаат да се започне мирна преобразба.
Вашите коментари за натписите на SETimes се добредојдени.
Се надеваме дека ќе го искористите овој форум за да комуницирате со другите читатели од Југоисточна Европа. За ова искуство да биде интересно, бараме од вас да ги следите правилата наведени во правилникот за коментари. Со испраќањето на коментарите, вие се согласувате со овие правила. Иако SETimes.com ги охрабрува дискусиите на сите теми, вклучително и на чувствителните, коментарите што се објавуваат се ставови единствено на оние што ги испраќаат. SETimes.com не ги одобрува и не се согласува секогаш со идеите, ставовите или мислењата искажани во овие коментари. SETimes.com ги поддржува конструктивните дискусии, но е против употребата на копи-пејст материјалите, непридружуваните линкови и слогани од еден ред. Ова е умерен форум. Коментарите што се сметаат за погрдни, навредливи, или оние што содржат вулгарности, нема да се објават.
Правилник за коментари на SETimes's