Реакциите на апсењето на Караџиќ ја покажаа длабочината на политичката поделеност во БиХ

23/07/2008

Спротивставените реакции во Босна и Херцеговина (БиХ) на апсењето на главниот обвинет за воени злосторства Радован Караџиќ го покажаа континуираниот политички конфликт во општеството.

Од Јусуф Рамадановиќ за Southeast European Times во Сараево -- 23/07/08

photo

Босански муслиман се моли за жртвите од масакрот во Сребреница. Хаг ги смета Радован Караџиќ и неговиот воен командант, Ратко Младиќ, за главни виновници за босанскиот конфликт во периодот 1992-1995 година. [Getty Images]

Во понеделникот (21-ви јули) српската полиција го уапси поранешниот водач на босанските Срби Радован Караџиќ, 13 години по масакрот во Сребреница. Многумина во Босна и Херцеговина (БиХ) славеа, но реакциите во Република Српска (РС) и Федерацијата на Босна и Херцеговина (ФБиХ) беа сосема спротивни.

Бошњачкото раководство изрази задоволство од задоцнетото апсење. Актуелниот претседател на претседателството на БиХ, Харис Силајџиќ, од Партијата за БиХ, на државната телевизија рече дека правдата можеби е бавна, но на крајот доаѓа. Сепак, тој истакна дека воениот командант на Караџиќ, Ратко Младиќ, и понатаму се наоѓа во бегство. Тој рече „проектот на геноцид што го започнаа овие двајца мажи не треба да се дозволи да продолжи“ -- мислејќи на РС, која Караџиќ ја водеше за време на конфликтот во БиХ.

Сулејман Тихиќ, претседателот на Босанската муслиманска партија за демократска акција (СДА) искажа сличен став, велејќи дека се надева оти судењето на Караџиќ ќе открие нови докази и ќе дозволи преглед на вредностите на постоењето на РС. Тој истакна дека властите во РС никогаш не уапсиле, ниту суделе некого за геноцид или масовни убиства во БиХ.

Од друга страна, Младен Босиќ, претседател на Српската демократска партија (СДС) на Караџиќ во Бања Лука, рече дека изјавите на Силајџиќ и другите претставници во Сараево се „политички оргии“ кои покажуваат оти судењето на Караџиќ ќе се претвори во судење на РС.

„Апсењето на Караџиќ исполнува една од обврските што произлегуваат од Дејтонскиот договор“, рече премиерот на РС Милорад Додик. Тој додаде дека нема колективна вина што би можела да важи за српската етничка група во БиХ или цела РС. Тој, исто така, истакна дека сомневањата оти Караџиќ се крие во РС се покажале неосновани.

Жељко Комшиќ, хрватски член на трипартитното претседателство на БиХ, му напиша писмо на српскиот претседател Борис Тадиќ, велејќи дека со апсењето на Караџиќ: „Србија направи голем чекор во нормализирањето на билатералните односи помеѓу двете земји и во стабилизацијата на целокупната ситуација во регионот“.

Поврзани написи

Loading

Главниот меѓународен претставник во БиХ, Мирослав Лајчак, предвиде дека фаќањето „ќе им помогне на граѓаните на [БиХ] да се тргнат од минатото и да погледнат во иднината“.

Одговорот на јавноста во секој од ентитетите, исто така, беше различен. Во Бања Лука, каде што Караџиќ некогаш ја водеше РС, народот беше воздржан, а властите воведоа засилена безбедност.

Сепак, во Сараево, кое беше под 44-месечна опсада од страна на силите на босанските Срби на Караџиќ, неколку илјади луѓе излегоа на улиците да прослават.

Уште еден ваков ден на спротивни реакции може да се случи со апсењето на Младиќ.

Оваа содржина е овластена за SETimes.com.
Loading
Гласаj
 
 

Вашите коментари за натписите на SETimes се добредојдени.

Се надеваме дека ќе го искористите овој форум за да комуницирате со другите читатели од Југоисточна Европа. За ова искуство да биде интересно, бараме од вас да ги следите правилата наведени во правилникот за коментари. Со испраќањето на коментарите, вие се согласувате со овие правила. Иако SETimes.com ги охрабрува дискусиите на сите теми, вклучително и на чувствителните, коментарите што се објавуваат се ставови единствено на оние што ги испраќаат. SETimes.com не ги одобрува и не се согласува секогаш со идеите, ставовите или мислењата искажани во овие коментари. SETimes.com ги поддржува конструктивните дискусии, но е против употребата на копи-пејст материјалите, непридружуваните линкови и слогани од еден ред. Ова е умерен форум. Коментарите што се сметаат за погрдни, навредливи, или оние што содржат вулгарности, нема да се објават.

Правилник за коментари на SETimes's

Репортажа

Регионот и Турција оптимисти за новото водство на ЕУРегионот и Турција оптимисти за новото водство на ЕУ

Официјалните претставници од регионот велат дека неодамнешните кадровски смени во ЕУ ќе имаат позитивно влијание на односите на нивните земји со Брисел.

Најпопуларни

Loading
Loading
Loading

Анкета

Дали треба Грција да го промени начинот на кој се справува со нелегалните имигранти?

Да
Не
Не знам