Турција најави нова стратегија за пристапување кон ЕУ

26/12/2006

Анкара ќе продолжи со инплементација на потребните реформи за влез во ЕУ, дури и во областите опфатени со осумте замрзнати преговарачки поглавја соопшти во понеделникот Турскиот министер за надворешни работи Абдула Гул.

(Неделен Турски Журнал - 26/12/06; Заман, Dnevnik.bg, Туркиш Дејли Њуз - 25/12/06; АФП - 22/12/06)

Абдула Гул, Турски министер за надворешни работи. [Getty Images]

Во понеделникот (25 декември) Турција ја откри новата стратегија за нејзино пристапување кон ЕУ. Таа соопшти дека ќе продолжи со инплементација на сите потребни реформи, вклучувајќи ги и реформите во областите во кои преговорите беа прекинати.

"Ако целта е да се достигнат Европските стандарди, тогаш ние сами ќе го направиме тоа без да побара ЕУ" рече Турскиот министер за надворешни работи Абдула Гул.

Процесот на проверка помогна да се истакнат реформите кои Турција мора да ги имплементира пред да се приклучи кон унијата, па затоа нема потреба да чекаме инструкции од Брисел, додаде тој.

Неговата изјава следеше десет дена откако лидерите на 25-те земји членки одлучија да ги замрзнат преговорите за членство со Анкара за осум од 35-те преговарачки поглавја, како реакција на одбивањето на Турција да ги отвори своите пристаништа и аеродроми за сообраќај со Кипар.

Поглавјата -- слободен промет на добра, право на естаблишмент и слобода да се обезбедат услуги, финансиски служби, земјоделски и рурален развој, риболов, транспортни политики, царински унии и надворешни односи -- ќе останат прекинати се додека Европската комисија (ЕК) не потврди дека Турција ги исполнала своите обврски од проширениот царински протокол потпишан во 2005 година.

Протоколот го проширува договорот за царинската унија на Турција со ЕУ кон сите членови на блокот, вклучувајќи го и Кипар. Но, Турција подоцна одби да им дозволи пристап на бродовите и авионите од Грчкиот дел на Кипар кон своите пристаништа и аеродроми, и наместо тоа инсистирајќи дека ЕУ треба прво да ја прекине економската изолација на сепаратистичката Турска република Северен Кипар, која е признава само Анкара.

Една недела по завршувањето на дводневниот самит на ЕУ на 15 декември, Комисијата на постојани претставници на ЕУ ја подржа поканата за Турција да започне преговори за претприемачката и индустриската политика. Високиот претставник за проширување на ЕУ Оли Рен претходно предложи дека Брисел може да започне преговори со Анкара за три други поглавја -- економските и монетарните прашања, финансиската контрола и образованието и културата.

Но, според одлуката на Европските лидери ниту едно поглавје не може да биде привремено затворено се додека Европската комисија не потврди дека Турција целосно ги инплементира своите обврски во однос на царинскиот протокол.

Објавувајќи ја својата нова стратегија, во понеделникот Анкара вети дека ќе продолжи да ги инплементира потребните реформи во сите области. Приоритет ќе им биде даден на мерките потребни за отварање на поглавјата, кои не се засегнати од делумното прекинување.

Минатата недела, Гул ја повтори ангажираноста на неговата земја во обидот да се приклучи кон унијата, ветувајќи дека „процесот на реформи ќе продолжи како досега“.

„Ние не можеме да го прифатиме однесувањето на ЕУ на еден начин кој е спротивен на сржта и духот на нашите односи криејќи се зад различни извинувања како што е проблемот со Кипар.“ АФП ја цитира изјавата на Гул од петокот. Владата нема да се налути или да рече „ние не сме повеќе со вас“, нуту пак планира да ја загрози иднината на Турција додаде тој. „Не доаѓа во предвид да се откажеме од борбата“