„Киклопски“ ѕидови откриени во северна Албанија

24/08/2007

Истражувачки тим кој трагаше по остатоци од отоманската ера, најде нешто многу постаро.

Од Клодјан Сеферај за Southeast European Times -- 24/08/07

Северниот планински дел на Албанија е помеѓу најоддалечените области во Европа. [Проект Долина Шала]

Археолозите кои ги пребаруваа планините во северна Албанија за траги од бегалците од отоманскиот период, беа изненадени кога пронајдоа нешто многу постаро: остатоците од тврдина од Бронзено време, која датира од околу 800 години п.н.е. Ѕидовите се направени од камења спојувани без цемент, со помош на „киклопската“ техника откриена во античкото грчко кралство Микена.

Според Мајкл Галати, американски истражувач кој ја предвореше експедицијата, откритието покажува дека областа, една од најоддалечените во Европа, се користела со илјадници години. Во времето кога е изградена тврдината, илирските кралства биле активни долж Јадранскиот брег, додека Грција излегуваше од раниот среден век. Тимот на Галати вели дека сé уште не е јасно кој живеел таму.

Пишувајќи на peshkupauje, Krasta вели дека има уште многу да се открие. „Навистина многу интересно!“, пишува тој. „Кога ќе копаат во северниот планински дел од Албанија, ќе најдат вистински богатства. На крајот барем се покажа дека сме имале цивилизација стара како и онаа во Микена.“

„Мислам дека голем број теории кои изгледаат како шеги досега за античкото потекло на Албанија, почнаа да изгледаат сериозно!“, додаде Краста.

Berti коментира: „Ова откритие не е воопшто чудно. Ретко е само на албанска почва, но илирски градови од ваков стил од овој период постоеле во Хрватска и Босна и Херцеговина. Првите илирски градови во овој стил пронајдени во Хрватска датираат од 12 век п.н.е.“

„На албанска територија најстарите откриени рушевини датираат од 6-тиот век п.н.е.“, додава тој.

Pjer верува дека античка Илирија „напредувала на ист начин како и земјите околу, да на кажам на повисоко ниво“.

„На крајот на краиштата, Римјаните биле оние што ги носеле своите синови да учат во Илирија (Драч). Ова е сведоштво што римските писатели од тој период ние го дале -- пред 2.000 години.“

На друга тема, Xhulieta пишува за искуството на странските туристи што ја посетуваат Албанија.

„Во Саранда, еден од најпознатите албански туристички градови, можете да најдете многу странски туристи. Некои луѓе се враќаат секоја година за да ги поминат своите одмори во Албанија. Еден турист рече: „Во Албанија најдов места што навистина мора да се посетат, кои можете да ги споредите со други прекрасни места во светот. Има карактеристични градови и ние посетивме неколку стари градови што се навистина импресивни.“

„Во странските медиуми, има голем број лоши информации за Албанија. Ова е една од причините поради која странците се сомневаат дали Албанија е убава земја и дали има добар народ“, заклучува таа.