SETimes.comOSBE miraton terminologjinë e re lidhur me Kosovën
07/05/2008
PRISHTINË, Kosovë -- Misioni i OSBE në Kosovë ka miratuar udhëzimet mbi terminologjinë që do të përdoret pas shpalljes së pavarësisë së Kosovës në shkurt, raportoi të mërkurën (7 maj) media lokale. Pikat e kalimit administrativ në veri do të riquhen kalime kufitare, "institucionet e përkohshme të vetë-qeverisjes" do t'i referohet "institucioneve të Kosovës" dhe "pavarësia e shpallur njëanshmërisht nga Kosova" do të zëvendësohet nga formulimi "shpallja e pavarësisë nga parlamenti i Kosovës".
Zyrtarët e OSBE mohojnë se terminologjia e re do të thotë njohje zyrtare e Kosovës. "Organizata përbëhet nga 56 vende dhe duhet pasur kujdes të mos shkelet në kallo askush. Ne duam të jemi plotësisht asnjanës," tha zëdhënësja Elli Flen.
Në lajme të tjera, Lituania njohu të martën pavarësinë e Kosovës, duke u bërë vendi i 39-të që e bën këtë. (KiM Radio - 07/05/08; KohaDitore, BBC, Politika - 06/05/08)