SETimes.comХрватската влада критикувана за сослушувањето на основачот на групата противници на Санадер на Фејсбук
02/12/2008
ЗАГРЕБ, Хрватска -- Опозицијата во понеделникот (1-ви декември) го обвини премиерот Иво Санадер дека ги поддржува прекршувањата на човековите права откако полиција сослуша еден млад човек кој формираше група противници на Санадер на онлајн социјалната мрежа Фејсбук. Никша Клечак (22 годишен) ја нарече својата група „Се обложувам дека можам да најдам 5.000 луѓе кои не го сакаат Санадер“. Полицијата вели дека сослушувањето било поради фотомонтажата на Санадер во нацистичка униформа. Хрватските закони забрануваат нацистички симболи. Клечак беше ослободен дури откако докажа дека тој не ја поставил фотографијата. Водачот на опозициската Социјалдемократска партија, Зоран Милановиќ, рече дека случајот претставува „опасен преседан“ кој ја загрозува слободната на изразувањето. (Вечерњи лист, АП, Јавно - 01/12/08)